診所幾日開唔到門，琴日終於開番。一開門D冇品客開口就鬧。話做咩唔開門？話佢哋自己都返到工，點解我哋唔返工？好似我地欠左佢，殺佢全家咁。
全港交通癱瘓，你唔係唔知啊嘛？你咁離地嘅？返到黎你估老細會俾我哋唔開門咩？每一日我哋就坐喺屋企，朝朝早起身照準備返工。一路睇住WhatsApp等老細極度慢嘅Reply，睇吓今日使唔使開門。
我試過佢話要開門，跟住我返到一半，老細先至講今日都係唔使返。我折返嘅時候要上踷路，戰戰兢兢先返到屋企。就算自己返到屋企，又要睇吓屋企人能能夠安全平安每日返到嚟。慶幸見到屋企兩個細路同埋隻狗安全就安心D。
我哋啲同事由四方八面黎返工。唔係個個都返到黎， 唔係個個都住喺診所附近。想問就算醫生返到但係姑娘返唔到，難道我一個人聽電話/約期/睇症/執藥/再收錢？
好啦，好快就全日Booking爆滿，開始睇症。個個黎睇都係啲雞毛蒜皮、差唔多好晒嘅傷風感冒/生飛滋/眼乾等等。當然我好慶幸我睇啲無聊野。唔使好似醫院嘅同事，衝鋒陷陣日日同死神戰鬥。但係你為咗你呢一世都有嘅鼻敏感發作而冇得睇醫生幾日黎屌我，我條氣就係唔順。你只不過係唔想自己俾錢落藥房買藥，而想用盡你張醫療咭。
仲要有啲Walk-In嘅人，又鬧點解我哋冇位俾佢睇？你都識9衝上黎要睇醫生，難道其他人唔識？冇位你又喺度大鬧，又話我地唔開門幾日今日又唔俾你睇。最好笑係最尾佢攞唔到張醫療卡出嚟又唔想俾錢，咁我點幫你好？
我唔係話我唔想睇病，但係可唔可以有啲同理心？大家呢輪心情好沉重，日日新聞見咁多人受傷，複雜嘅情緒包含着憤怒、傷心、（對MSF/救世軍）失望等等。又擔心咁多有毒物質會唔會損害小朋友嘅健康？會唔會過40年之後佢哋啲病徵先浮現出來，出晒cancer同埋不育，我點對得住你地2個？
唉，大家小心，保重。我都唔知可以講D咩。
###
睇住你食腳仔會開心D
Search